ക്രിസ്തുവിൽ പ്രിയരെ,
- വേദപുസ്തകത്തിൻറെ പൂർണ്ണമായ കൈയ്യെഴുത്തുപ്രതികൾ ഇല്ല; കൈയ്യെഴുത്തുപ്രതികളിൽ തിരുത്തലുകളും ചേർക്കലുകളും നടത്തിയിട്ടുണ്ട്;
- പരിഭാഷയുടെ കൃത്യതയെ പറ്റി ഉറപ്പില്ല;
- വ്യാഖ്യാനങ്ങളുടെ ആധികാരികതയെ പറ്റി ഉറപ്പില്ല;
- ഏത് ക്രൈസ്തവ വിഭാഗമാണ് സത്യം പഠിപ്പിക്കുന്നത് എന്ന് ഉറപ്പില്ല (എല്ലാ സഭക്കാർക്കും അവരവരുടെ സഭയാണ് സത്യത്തിൻറെ തൂണും അടിസ്ഥാനവും എന്നത് മറക്കുന്നില്ല, കാക്കയ്ക്ക് തൻകുഞ്ഞ് പൊൻകുഞ്ഞ് എന്നാണല്ലോ പ്രമാണം?)
ഇന്ന് രാവിലെ ഒരു സഹോദരൻ ഒരു കാര്യം പറഞ്ഞു: അച്ചായാ, വേദപുസ്തകം പഠിക്കുമ്പോൾ ഒരു കാര്യം മനസ്സിലാകുന്നു: മതങ്ങൾ നമ്മളെ കബളിപ്പിക്കുകയാണ്. മതം ഇല്ലാതെ യേശുവിനെ പിന്തുടരുകയാണ് നല്ലത്.
ദൈവശാസ്ത്രവും വേദപുസ്തകവും ഫേസ്ബുക്കിലും വാട്സാപ്പിലും പരസ്പരം തമ്മിൽതല്ലുവാനും ചീത്തവിളിക്കുവാനുമുള്ള ഉപാധികളായി അധഃപതിച്ചിരിക്കുന്നു എന്നാണ് മറ്റൊരു സഹോദരൻ പറഞ്ഞത്.
യഥാർത്ഥ വിശ്വാസി എന്തുചെയ്യണം?
നിലവിലുള്ള 41,000 ക്രൈസ്തവ വിഭാഗങ്ങളും (33,090 വിഭാഗങ്ങൾ എന്ന് 2007ലെ കണക്ക്) തങ്ങൾ സത്യത്തിലാണ് നിലകൊള്ളുന്നത് എന്ന് അവകാശപ്പെടുന്നു. 41,000 വിഭിന്നമായ സത്യങ്ങൾ ഉണ്ടാകുവാൻ തരമില്ലാത്തതിനാൽ അവ 41,000 അസത്യങ്ങളാകുവാനാണ് വഴി.
സഹോദരാ, സഹോദരീ, നിങ്ങളേക്കാൾ വലിയ വേദപണ്ഡിതന്മാരില്ല:
1യോഹ 2:27 അവിടന്നിൽ നിന്നും പ്രാപിച്ച അഭിഷേകം നിങ്ങളിൽ വസിക്കുന്നു; ആരും നിങ്ങളെ ഉപദേശിക്കുവാൻ ആവശ്യമില്ല; അവിടത്തെ അഭിഷേകം തന്നേ നിങ്ങൾക്ക് സകലവും ഉപദേശിച്ചുതരികയാലും അത് അസത്യമല്ലാതെ സത്യം ആയിരിക്കുന്നതിനാലും അത് നിങ്ങളെ ഉപദേശിച്ചത് പോലെ നിങ്ങൾ അവിടന്നിൽ വസിക്കുവിൻ.കണ്ണൂര് നിന്ന് ഒരു ഉപദേശി പുതിയ ഒരു ഉപദേശവുമായി പുറപ്പെട്ടപ്പോൾ കുറെ പേർ അയാളുടെ പുറകെ പോയി. അടൂരിൽ നിന്നും മറ്റൊരു പ്രവാചകൻ അത്ഭുതങ്ങളും അടയാളങ്ങളുമായി പുറപ്പെട്ടപ്പോൾ അയാളുടെ പുറകെ പോയി. അടുത്തത് ബാംഗ്ലൂരിൽ നിന്നും മറ്റൊരു വിദ്വാൻ (ഞാൻ പാസ്റ്ററല്ലേ) വാഗ്ചാതുര്യവുമായി പുറപ്പെട്ടാൽ അയാളുടെ പുറകെ പോകുകയായി. നിങ്ങളുടെ കീശ കാലിയാവുമ്പോൾ, ഉപദേശി പുതിയ മേച്ചിൽപുറങ്ങൾ തേടി സമ്പന്ന ക്രൈസ്തവരുള്ള അമേരിക്കയിലേയ്ക്കും ഗൾഫ് നാടുകളിലേയ്ക്കും പോകുമ്പോൾ നിങ്ങൾ കറിവേപ്പില. ഒടുവിൽ ഇവരുടെയൊക്കെ തട്ടിപ്പുകൾ മനസ്സിലാകുമ്പോൾ ബാക്കിയാവുന്നത് നഷ്ടപ്പെട്ട വർഷങ്ങളും ശിഥിലമായ കുടുംബ, സാമൂഹ്യ ബന്ധങ്ങളും ആയിരിക്കും. (അപ്പൊ 5:36, 37ൽ ഗമലീയേൽ പറഞ്ഞ കാര്യങ്ങൾ ഇതുമായി താരതമ്യപ്പെടുത്തി നോക്കുക.)
വേദപുസ്തകം നമ്മോട് എന്താണ് പറയുന്നത്?
എഫേ 4:14 അങ്ങനെ നാം ഇനി മനുഷ്യരുടെ ചതിയാലും ഉപായത്താലും തെറ്റിച്ചുകളയുന്ന തന്ത്രങ്ങളിൽ കുടുങ്ങിപ്പോകുവാൻ തക്കവണ്ണം ഉപദേശത്തിൻറെ ഓരോ കാറ്റിനാൽ അലഞ്ഞുഴലുന്ന ശിശുക്കൾ ആയിരിക്കാതെ,
എഫേ 4:15 സ്നേഹത്തിൽ സത്യം സംസാരിച്ചുകൊണ്ട് ക്രിസ്തു എന്ന തലയോളം സകലത്തിലും വളരുവാൻ ഇടയാകും.
മറ്റൊരുവിധത്തിൽ പറഞ്ഞാൽ: (കണ്ണൂരും, അടൂരും, പാറശ്ശാലയും, ബാംഗ്ലൂരും നിന്നും അടിക്കുന്ന) ഉപദേശത്തിൻറെ ഓരോ കാറ്റിൻറെ പുറകെ പോയാൽ വളർച്ച മുരടിച്ച് പോകും.
വേദപുസ്തകം വെറുതെ വായിക്കാതെ പഠിക്കണം!
- പല ക്രൈസ്തവ വിഭാഗങ്ങൾക്കും “വേദപുസ്തകം എങ്ങനെ പഠിക്കണം” (How to study the Bible) എന്നൊരു പാഠമുണ്ട്. അത് ഒന്നാന്തരം ചതിക്കെണിയാണ്. അവർ കണ്ടതിനേക്കാൾ കൂടുതൽ നാം കാണരുത് എന്നതാണ് അവരുടെ ദുരുദ്ദേശം.
- ഏതെങ്കിലും സഭയ്ക്കോ, ക്രൈസ്തവ വിഭാഗത്തിനോ സ്വന്തമായ വേദപുസ്തക പരിഭാഷ ഉണ്ടെങ്കിൽ സൂക്ഷിക്കുക. അതും തട്ടിപ്പാകുവാനുള്ള സാദ്ധ്യതയുണ്ട്. (സൌജന്യമായി കിട്ടുമെങ്കിൽ വാങ്ങിച്ച് വെച്ചോളൂ, വീട്ടിൽ അതിഥികൾ വരുമ്പോൾ തലയിണ തികയാതെവന്നാൽ...)
- നിങ്ങളുടെ പാസ്റ്റർ വായിക്കരുത് എന്ന് താക്കീത് ചെയ്യുന്ന എല്ലാ പരിഭാഷകളും വാങ്ങി താരതമ്യം ചെയ്ത് പഠിക്കുക. നിങ്ങളുടെ സഭ എന്താണ് നിങ്ങളിൽ നിന്നും മറയ്ക്കുന്നത് എന്നറിയാം.
- ഒരു പരിഭാഷയിൽ മാത്രം കാണുന്ന വചനങ്ങൾ ചേർക്കപ്പെട്ടവയാകുവാൻ വഴിയുണ്ട്. കരുതലോടെ മാത്രം സമീപിക്കുക.
യേശുവിൻറെ വിശ്വാസത്താൽ രക്ഷിക്കപ്പെട്ടവർ.
ശ്രദ്ധിച്ച് വായിച്ചോളൂ: “യേശുവിൻറെ വിശ്വാസം” എന്നാണ് ഞാൻ എഴുതിയത് “യേശുവിലുള്ള വിശ്വാസം” എന്നല്ല.
ദൈവം വേദപുസ്തകത്തിൻറെ കൈയ്യെഴുത്തുപ്രതികൾക്ക് കാവൽ നിന്നില്ല; ആരംഭത്തിൽ നിന്നേ അന്ത്യവും അറിയാവുന്ന ദൈവം, നമ്മളെ നമ്മുടെ വിശ്വാസത്താൽ രക്ഷിക്കാതെ, യേശുവിൻറെ വിശ്വാസത്താൽ രക്ഷിച്ചു. സഹിക്കാൻ പറ്റുന്നില്ലല്ലേ? വേദപുസ്തകത്തിൽ നിന്നുമുള്ള ഉദാഹരണങ്ങൾ കാണിച്ചാൽ വിശ്വസിക്കുമോ?
യേശുവിൻറെ നാമം / രക്തം / വിശ്വാസം എന്നീ പദസമുച്ചയങ്ങൾ വരുന്ന 3 വചനങ്ങളുടെ ഭാഗങ്ങൾ ഇവിടെ കൊടുത്തിരിക്കുന്നു.
പാസ്റ്റർമാർ അല്ലാത്തവർക്ക് ഒരുപക്ഷേ റോബിൻസണിൻറെ രൂപശാസ്ത്രം കാണിക്കുന്ന കോഡുകൾ (Robinson's Morphological Analysis Codes) പരിചിതമായിരിക്കില്ല. ഈ കോഡുകൾ ഉപയോഗിച്ച് ഒരു വാക്കിൻറെ ശബ്ദ ഭേദം (നാമം, ക്രിയ, വിശേഷണം), കാലം (ഭൂതം, ഭാവി, വർത്തമാനം), ലിംഗം, വിഭക്തി എന്നിങ്ങനെയുള്ള വിവരങ്ങൾ കണ്ടുപിടിക്കാം. താഴെയുള്ള പട്ടികയിൽ കാണുന്ന N-DSN, N-GSM എന്നിവ പോലെ 1100 കോഡുകൾ ഉണ്ട്.
ഈ മൂന്ന് വചനങ്ങളിലും “യേശുവിൻറെ” എന്ന അർത്ഥം ലഭിക്കുവാൻ ഉപയോഗിച്ചിരിക്കുന്ന ഗ്രീക്ക് പദത്തിൻറെ റോബിൻസൺ കോഡ് N-GSM ആണ്.
അതായത്, “യേശുവിൻറെ വിശ്വാസം” എന്നതല്ലാതെ മറ്റെല്ലാ പരിഭാഷകളും തെറ്റാണ്. “യേശുവിൻറെ വിശ്വാസം” എന്ന് കൃത്യമായി പരിഭാഷപ്പെടുത്തിയിട്ടുള്ള ചില ഇംഗ്ലീഷ് പരിഭാഷകളിൽ നിന്നും:
മുകളിൽ കൊടുത്തിരിക്കുന്ന ചില വചനങ്ങളിൽ നമ്മുടെ വിശ്വാസത്തെ പറ്റിയും പരാമർശമുണ്ടെങ്കിലും യേശുവിൻറെ വിശ്വാസത്തിനാണ് പ്രാമുഖ്യവും, പ്രാധാന്യവും.നാം ഏത് സഭയിലാണോ ഏറെക്കുറെ ആ സഭയുടെ വിശ്വാസമായിരിക്കും നമ്മുടെ വിശ്വാസവും. ആ സഭയുടെ വിശ്വാസം കുറ്റമറ്റതാണെന്നതിന് ആധാരമില്ല. അതേസമയം യേശുവിൻറെ വിശ്വാസം കുറ്റമറ്റതാണ് (1തിമോ 3:16). അതാണ് നമ്മുടെ രക്ഷയുടെ ആധാരം.
അതുകൊണ്ടുതന്നെ ഉപദേശത്തിൻറെ ഓരോ കാറ്റിനാൽ അലഞ്ഞുഴന്ന് കണ്ണൂരുകാരൻ ഉപദേശിയുടെയും അടൂരുകാരൻ പ്രവാചകൻറെയും പുറകെ ഓടേണ്ട കാര്യമില്ല. നാം എവിടെ, ഏത് സഭയിൽ, ആയിരുന്നാലും നമ്മുടെ രക്ഷ യേശുവിൻറെ വിശ്വാസത്തിൽ ഭദ്രമാണ്.
ഈ പരമ്പര ഇവിടെ അവസാനിക്കുന്നു (എന്ന് കരുതുന്നു). വിശ്വാസപ്രമാണങ്ങൾക്ക് വേണ്ടി കൊല്ലും കൊലയും യുദ്ധങ്ങളും നടത്തിയവരുണ്ട്. അവരുടെ വിശ്വാസപ്രമാണങ്ങളെ സാധൂകരിക്കുവാനാണ് ബഹുഭൂരിപക്ഷം ക്രൈസ്തവരും സമയം ചെലവഴിക്കുന്നത്. വിശ്വാസപ്രമാണങ്ങൾക്ക് നമ്മെ രക്ഷിക്കുവാൻ കഴിയുമായിരുന്നെങ്കിൽ യേശുവിൻറെ ആവശ്യമില്ലല്ലോ?
സ്കൂളിൽ വിഭക്തി (Grammatical cases) പഠിച്ചത് ഓർമ്മയുണ്ടോ?
ഓർമ്മയില്ലെന്ന് ആരും പറയില്ലല്ലോ, പറഞ്ഞാൽ കുറച്ചിലല്ലേ? ഏതായാലും, വളരെ സംക്ഷിപ്തമായി പറഞ്ഞാൽ: വാക്യത്തിലെ മറ്റു പദങ്ങളുമായുള്ള ബന്ധത്തെക്കുറിക്കാൻ നാമത്തിൽ വരുത്തുന്ന രൂപഭേദത്തെ വിഭക്തി (Grammatical Case) എന്ന് പറയുന്നു. (പട്ടിക കാണുക.)
| നാമത്തിൻറെ രൂപഭേദങ്ങൾ | |||||
| # | രൂപഭേദം | വിഭക്തി | # | രൂപഭേദം | വിഭക്തി |
| ① | യേശു | നിർദ്ദേശിക (Nominative). |
⑤ | യേശുവിനാൽ | പ്രയോജിക (Instrumental) |
| ② | യേശുവിനെ | പ്രതിഗ്രാഹിക (Accusative) |
⑥ | യേശുവിൻറെ | സംബന്ധിക (Genitive / Possessive) |
| ③ | യേശുവിനോട് | സംയോജിക (Conjuctive) |
⑦ | യേശുവിൽ | ആധാരിക (Locative) |
| ④ | യേശുവിന് | ഉദ്ദേശിക (Dative) |
⑧ | യേശൂ, യേശുവേ | സംബോധിക. |
മലയാളം അടക്കം ബഹുഭൂരിപക്ഷം വേദപുസ്തകങ്ങളിലും ഉള്ളതുപോലെ “യേശുവിൽ വിശ്വസിക്കുക” അല്ലെങ്കിൽ “യേശുവിലെ വിശ്വാസം” എന്ന അർത്ഥം ലഭിക്കണമെങ്കിൽ ഗ്രീക്ക് പാഠത്തിൽ ആധാരിക (Locative) എന്ന വിഭക്തി ഉപയോഗിക്കപ്പെടുമായിരുന്നു. എന്നാൽ സംബന്ധിക (Genitive / Possessive) എന്ന വിഭക്തിയാണ് ഉപയോഗിക്കപ്പെട്ടിട്ടുള്ളത്. അതായത്, യേശുവിൻറെ (ക്രിസ്തുവിൻറെ) വിശ്വാസം എന്നതാണ് ശരിയായ പരിഭാഷ.
യേശുവിൻറെ നാമം / രക്തം / വിശ്വാസം എന്നീ പദസമുച്ചയങ്ങൾ വരുന്ന 3 വചനങ്ങളുടെ ഭാഗങ്ങൾ ഇവിടെ കൊടുത്തിരിക്കുന്നു.
പാസ്റ്റർമാർ അല്ലാത്തവർക്ക് ഒരുപക്ഷേ റോബിൻസണിൻറെ രൂപശാസ്ത്രം കാണിക്കുന്ന കോഡുകൾ (Robinson's Morphological Analysis Codes) പരിചിതമായിരിക്കില്ല. ഈ കോഡുകൾ ഉപയോഗിച്ച് ഒരു വാക്കിൻറെ ശബ്ദ ഭേദം (നാമം, ക്രിയ, വിശേഷണം), കാലം (ഭൂതം, ഭാവി, വർത്തമാനം), ലിംഗം, വിഭക്തി എന്നിങ്ങനെയുള്ള വിവരങ്ങൾ കണ്ടുപിടിക്കാം. താഴെയുള്ള പട്ടികയിൽ കാണുന്ന N-DSN, N-GSM എന്നിവ പോലെ 1100 കോഡുകൾ ഉണ്ട്.
| വാക്ക് | സ്ട്രോങ്സ് സംഖ്യ |
റോബിൻ സൺ കോഡ് |
വാക്ക് | സ്ട്രോങ്സ് സംഖ്യ |
റോബിൻ സൺ കോഡ് |
||
| അപ്പൊ 2:38 | ഇംഗ്ലീഷ് | name | G3686 | N-DSN | of Jesus | G2424 | N-GSM |
| ഗ്രീക്ക് | ονοματι | ιησου | |||||
| മലയാളം | നാമം | യേശുവിൻറെ | |||||
| 1യോഹ 1:7 | ഇംഗ്ലീഷ് | blood | G129 | N-DSN | of Jesus | G2424 | N-GSM |
| ഗ്രീക്ക് | αιματι | ιησου | |||||
| മലയാളം | രക്തം | യേശുവിൻറെ | |||||
| റോമ 3:22 | ഇംഗ്ലീഷ് | faith | G4102 | N-GSF | of Jesus | G2424 | N-GSM |
| ഗ്രീക്ക് | πιστεως | ιησου | |||||
| മലയാളം | വിശ്വാസം | യേശുവിൻറെ | |||||
ഈ മൂന്ന് വചനങ്ങളിലും “യേശുവിൻറെ” എന്ന അർത്ഥം ലഭിക്കുവാൻ ഉപയോഗിച്ചിരിക്കുന്ന ഗ്രീക്ക് പദത്തിൻറെ റോബിൻസൺ കോഡ് N-GSM ആണ്.
| N-GSMൻറെ അർത്ഥം | |
| Part of Speech (ശബ്ദ ഭേദം) | Noun (നാമം). |
| Case (വിഭക്തി) | Genitive (സംബന്ധിക) |
| Number (വചനം) | Singular (ഏകവചനം) |
| Gender (ലിംഗം) | Masculine (പുല്ലിംഗം) |
അതായത്, “യേശുവിൻറെ വിശ്വാസം” എന്നതല്ലാതെ മറ്റെല്ലാ പരിഭാഷകളും തെറ്റാണ്. “യേശുവിൻറെ വിശ്വാസം” എന്ന് കൃത്യമായി പരിഭാഷപ്പെടുത്തിയിട്ടുള്ള ചില ഇംഗ്ലീഷ് പരിഭാഷകളിൽ നിന്നും:
റോമ 3:22: (KJV) Even the righteousness of God which is by faith of Jesus Christ unto all and upon all them that believe: for there is no difference:[ശരിയാണ്, യേശുവിൻറെ വിശ്വാസം എന്ന പദസമുച്ചയം ചില വചനങ്ങൾ മനസ്സിലാക്കുന്നത് കഠിനമാക്കുന്നുണ്ട്. ആ വചനങ്ങൾ ശരിയായി പരിഭാഷപ്പെടുത്തപ്പെട്ടിട്ടുണ്ട് എന്നതിന് എന്തുണ്ടുറപ്പ്?]
(YLT) and the righteousness of God is through the faith of Jesus Christ to all, and upon all those believing, --for there is no difference,
ഗലാ 2:16(KJV) Knowing that a man is not justified by the works of the law, but by the faith of Jesus Christ...(YLT) having known also that a man is not declared righteous by works of law, if not through the faith of Jesus Christ,...
ഗലാ 3:22:(KJV) But the scripture hath concluded all under sin, that the promise by faith of Jesus Christ might be given to them that believe.
(LITV) But the Scripture locked up all under sin, that the promise by faith of Jesus Christ might be given to the ones believing.
ഫിലി 3:9: (KJV) And be found in him, not having mine own righteousness, which is of the law, but that which is through the faith of Christ, the righteousness which is of God by faith:
(YLT) not having my righteousness, which is of law, but that which is through faith of Christ--the righteousness that is of God by the faith,
ഇതിൻറെ വിവക്ഷ എന്താണ്?
മുകളിൽ കൊടുത്തിരിക്കുന്ന ചില വചനങ്ങളിൽ നമ്മുടെ വിശ്വാസത്തെ പറ്റിയും പരാമർശമുണ്ടെങ്കിലും യേശുവിൻറെ വിശ്വാസത്തിനാണ് പ്രാമുഖ്യവും, പ്രാധാന്യവും.നാം ഏത് സഭയിലാണോ ഏറെക്കുറെ ആ സഭയുടെ വിശ്വാസമായിരിക്കും നമ്മുടെ വിശ്വാസവും. ആ സഭയുടെ വിശ്വാസം കുറ്റമറ്റതാണെന്നതിന് ആധാരമില്ല. അതേസമയം യേശുവിൻറെ വിശ്വാസം കുറ്റമറ്റതാണ് (1തിമോ 3:16). അതാണ് നമ്മുടെ രക്ഷയുടെ ആധാരം.
അതുകൊണ്ടുതന്നെ ഉപദേശത്തിൻറെ ഓരോ കാറ്റിനാൽ അലഞ്ഞുഴന്ന് കണ്ണൂരുകാരൻ ഉപദേശിയുടെയും അടൂരുകാരൻ പ്രവാചകൻറെയും പുറകെ ഓടേണ്ട കാര്യമില്ല. നാം എവിടെ, ഏത് സഭയിൽ, ആയിരുന്നാലും നമ്മുടെ രക്ഷ യേശുവിൻറെ വിശ്വാസത്തിൽ ഭദ്രമാണ്.
ഈ പരമ്പര ഇവിടെ അവസാനിക്കുന്നു (എന്ന് കരുതുന്നു). വിശ്വാസപ്രമാണങ്ങൾക്ക് വേണ്ടി കൊല്ലും കൊലയും യുദ്ധങ്ങളും നടത്തിയവരുണ്ട്. അവരുടെ വിശ്വാസപ്രമാണങ്ങളെ സാധൂകരിക്കുവാനാണ് ബഹുഭൂരിപക്ഷം ക്രൈസ്തവരും സമയം ചെലവഴിക്കുന്നത്. വിശ്വാസപ്രമാണങ്ങൾക്ക് നമ്മെ രക്ഷിക്കുവാൻ കഴിയുമായിരുന്നെങ്കിൽ യേശുവിൻറെ ആവശ്യമില്ലല്ലോ?
ക്രിസ്തുവിൽ,
ടോംസാൻ കട്ടക്കൽ.
ടോംസാൻ കട്ടക്കൽ.
